Ev pirtûka niha li ber destê we ye, ji 212 helbestan pêk tê. Wekî hûn dizanin, ev hejmar nîşana hewarê ye, xwestina alîkariyê ye.
Min jî bi vê berhemê xwest bibin hewara bêdengiyê.
Min xwest bibim dengê bêdengiyê.
Lê ez baş dizanim, êdî ev ne hestên min in, vêca ev hestên xwendevanan in.
Hest dema têne hûnandin, dibin helbest.
Ev mafê xwenedvanan e, navan li hestên xwe bike.
Ez nikarim navan li hestên wan bikim.
Loma ez ji van helbestan re dibêjim:“Helbestên Bênav”
Ez hêvîdar im kesên dixwînin, navekî li hestên xwe bikin û bi hest bijîn.
Di dawiyê de ez spasiya xwîşka xwe ya hêja Înna dikim ku ev qas sal e moralê dide min, ji bo nivîsê min teşwîq dike.
Spas ji bo hevalê jiyana min, ku pişt da min.
Ez vê pirtûkê diyarî her sê lawikên xwe dikim.
Liana Avdî
